Post in Urdu

Abb voh zamana hai keh jis kay dil main aie voh kitab likh dalay aur kuch na sahi tau blog likh dalay....apni marzi hai. Mujhko kuch bhi likhnay say hamishah hee koft hoti thee....aur ajj bhi hoti hai....likin iss sabb kay bawajood main nay 650 posts likh dalay hain. Agar itna kaam apnay thesis per ker latee tau kiya hee acha hota.

Hamayshah yeh koshih rahi keh kisi tarah Urdu lihknay ka software hath aa jai....2012 main Pakistan janay kay bawajood, ajj bhi  meray pass koi aisa tareeqa nahi keh apni zuban main kuch likhon...

1990 ki dihai main akhri bar Urdu main kuch likha ho ga...phir tau kabhi zarurat nahi paree...Arabi, Francici aur Korean zubanon main aagay, peechay kaam shuru ho gay-ya...app na apni zuban aati hai na koi parai - na teetar , na bateer!

2013 ki shurwat kuch ajeeb si hoi hai isbar...kitnay hee log chal basay hain aur abhi tau sirf teen hee haftay guzray hain....dil udas hai....aik kay baad aik...tanta bandh gay-ya hai...

Umeed haikay 2013 waqat kay saath behtar ho jai ga.....aik ajeeb sa ahsas hai, sha-yed aik wajah yeh ho keh: yeh saal "chee-nee" calander main "pani kay sanap ka saal (Year of the Water Snake) hai....upar say sub theek, lay-kin aafut achanak aati hai...Allah khair karay!